Сылын ахсын Сахабыт сиригэр «Кыһын Саха сириттэн саҕаланар» диэн фестиваль ыытыллар. Ол чэрчитинэн биһиги нэһилиэкпитигэр ахсынньы 1 күнүгэр харыйа уотун уматыы үөрүүлээх түгэнэ буолан ааста. Бу тэрээһиҥҥэ оҕо-аймах тоҕуоруһа муһунна. Нэһилиэкпит олохтоохторун, оҕолору С.М.Васильев аатынан Чернышевскай уопсай үөрэхтээһин орто оскуолатын директора Александр Алексеевич Васильев эҕэрдэлээтэ. Харыйа уотун уматыы алыптаах түгэнин Тымныы оҕонньор сиэнинээн Хаарчааналыын кэлэн киэргэттилэр. «Сулусчаан» дьааһыла-саад иитиллээччитэ Ариана Егорова уонна 1 кылаас үөрэнээччитэ Вика Сергеева ырыаннан-хоһоонунан эҕэрдэлэрин тириэртилэр. Тэрийээччилэр «Кыталык» НАДь үлэһиттэрэ оҕолорго бириистээх оонньуулары тэрийэн, оҕолор көхтөөхтүк оонньоон, үөрэ көтө тарҕастылар.
