Олохтоох бэйэни салайыныы күнүгэр тэрилтэлэр икки ардыларыгар интеллектуальнай оонньуу буолан ааста. Кыттааччылары истиц ырыанан эҕэрдэлээн туран оонньуубутун саҕалаатыбыт. Оонньууну иилээн-саҕалаан ыытта олохтоох библиотека кылаабынай библиотекара Любовь Прокопьевна Корякина. Уопсайа 4 хамаанда кыттыыны ылла: Олохтоох дьаьалта 2 хамаанда туруорда, С.М. Васильев аатынан Чернышевскай уопсай орто уерэхтээьин оскуолата — 2 хамаанда.
Оонньуу 3 блогунан буолла.
1 блок — олохтоох бэйэни салайыныыга аналлаах боппуруостар
2 блок — сынньалаҥҥа оонньуу
3 блок — нэһилиэк историятыттан боппуруостар.
Уопсай түмүккэ эрэллээхтик орто оскуола «Дьулуур» хамаандата кыайыылааҕынан таҕыста. Бу тэрээһиҥҥэ кыттыбыт тэрилтэлэрбитигэр махталбытын тиэрдэбит. Бу сырдык бырааһынньыкка баҕарабыт нэһилиэкпит чэчирии сайдарын туһугар таһаарыылаах үлэни, хас биирдии киһи олоҕор дьолу-соргуну! Туруоруллубут соруктарбытын биир санаанан салайтаран ситиһэргэ бары бииргэ түмсэн, сомоҕолоһон үлэлиэххэ.
