Муус устар 15 күнүгэр «Кыталык» норуот айымньытын дьиэтигэр «Түмэллэр биир түһүлгэҕэ» диэн саҥа бырайыак үрдүк таһымҥа буолан ааста, дьон улахан сэҥээриитин ылла. Кыттыыны ыллылар Бүлүү куоратыттан П.Х.Староватов аатынан кыраайы үөрэтэр музейтан Василина Тараховская, Екатерина Абрамова, хомус түмэлиттэн Екатерина Михайлова, Чочуттан Клавдия Николаева, Чинэкэттэн Светлана Яковлева. Лөкөчөөнтөн Иван Яковлев кыттыахтааҕын кэккэ биричиинэннэн кыайан кэлбэтэ. Күрэх 5 түһүмэҕин түмүгүнэн кыайыылаахтар быһаарылыннылар. Ол курдук кылаан кыайыылааҕынан Чинэкэттэн Светлана Яковлева буолла уонна Веревкина Мария Прокопьевна туруорбут бирииһинэн — 10000 солк. уу харчыннан бириэмийэлэннэ. Василина Тараховская «Лучший музейный проект» номинация кыайыылааҕынан буолан Степанова Парасковья Петровна оҕолоро туруорбут 5000 тыһ. сууммалаах сертификатынан уонна «Творческий работник музея» номинацияҕа — Иванова Надежда Николаевна туруорбут 3000 тыһ . уу харчыннан бириэмийэлэннэ. «Хранитель наследия» номинация кыайыылааҕа Екатерина Абрамова — Павлова Тамара Семеновна оҕолоро туруорбут бириистэрин 5000 солк. сертификаты тутта. Екатерина Михайлова «Верность профессии», Клавдия Николаева «Лучшая экскурсия по музею» номинацияларга тигистилэр. Кыттааччылар да, көрөөччүлэр да бу күрэхтэн астынан тарҕастылар. Инникитин бу бырайыак кэҥээн, зональнай күрэх ыытыллара былааннанар.
