Кулун тутар ый 22 күнүгэр Бүлүү куоракка Култуура дыбарыаһыгар «ИККИ СУЛУС» бырайыак дьон биһирэбилин ылан хатылаан көрөөччүлэрбитигэр бэлэх ууннубут. Бу күрэҕи 2011 с олоххо бырайыак быһыытынан «Кыталык» норуот айымньытын дььиэтин уус-уран салайааччыта, Саха Өрөспүүбүлүкэтин култууратын үтүөлээх үлэһитэ Люция Афанасьевна Прокопьева киллэрбитэ. Бу сыллар тухары элбэх ырыаһыт, ырыаны сэҥээрээччи кыттыыны ылбыта.
Дыбарыаска буолбут буолан уот-күөс астыга, көрөөччү элбэҕэ кыттааччыларбытын олус долгутта. Ол да буоллар көрөөччүлэр дохсун ытыс тыаһынан, хаһыынан-ыһыынан ырыаһыттарбыт сүргэлэрин көрөхтүлэр.
Ыҥырыыны ылынан кыттыбыт ырыаһыттарбытыгар барҕа МАХТАЛ тылларын тэрийээччилэр ааттарыттан этэбит. Баҕарабыт үлэҕитигэр үрдүк ситиһиилэри, дьиэ кэргэҥҥитигэр дьолу-саргыны!
