Анал байыаннай дьайыыга сылдьар дьоммутугар, кинилэр дьиэ кэргэттэригэр өйөбүл, көмө буолуу биһиги биир сүрүн сорукпут буолар.
Бүтүн Арассыыйа регионнарыттан Саха Сирэ куүстээхтик, тэтимнээхтик көмөлөһө олорорун бары билэбит. Улуус аҕа баһылыктара гуманитарнай, уолаттары көрсөн материальнай-техническэй көмөну оҥороллор, ыарахан сыаналаах техникалары, дойду аһын илдьэн, сирэй көрсөн кэлэллэрэ уолаттары кынаттыыр, иннилэригэр кыайыыны түргэнник уһансалларыгар сүдү күүс буолар.
Билиҥҥи уустук балаһыанньаны сөптөөхтүк өйдөөн, саамай кэмигэр олус наадалаах, туһалаах өйөбүл диэн санаанан салайтаран, улууспут түмсүүлэрэ эмиэ быстах байыаннай дьайыыга сылдьар биир дойдулаахтарбытыгар көмөнү тохтоппокко оҥороллор. Ол курдук амарах ийэлэр илиилэрин сылааһынан тикпит байыаннай көстүүмнэрин, сылаас кээнчэлэрин, ардахтан көмүскэнэр курткалары, көстүүмнэри, аптечкалары; сииктэн, тымныыттан харыстыыр олбохтору, саа уоһугар кэтэрдиллэр чехоллары, сылгы сиэлиттэн оҥоьуллубут угунньалары, чүмэчилэри, харысхаллары, харыстыыр сеткалары баайаллар. Маны таһынан араас бородуукталары, аһы-таҥаһы, иннэтигэр-сабыгар тиийэ ма5аһыынтан атыылаһан ыыталлар.
Биһиги нэһилиэкпититтэн ыраах сылдьар оголорбутугар күүс–уох эбээри, туох эмит кыраны да5аны көмөлөһөөрү, бу уолаттар
чугас дьонноругар-сэргэлэригэр кинилэр санааларын көтө5өр сыалтан бүгүҥҥү кэнсиэри тэрийдибит. Кэнсиэртэн уопсайа 40750 солк. киирэн «Фонд Победы» Чернышевскай нэһилиэгин аатыттан туттардыбыт.
Бу тэрээһиҥҥэ күүс-көмө буолбут тэрилтэлэрбитигэр, кыттааччыларбытыгар
Эһиэхэ баҕарабыт
Бар дьоммор —
Тахсар күн талыытын,
Кэлэр күн кэрэмэһин,
Үүнэр күн үчүгэйин,
Баҕа санаа туолуутун,
Көхтөөх үлэ үөрүүтүн,
Истиҥ сыһыан сылааһын,
Эрэл санаа бигэтин,
Тулуур, дьулуур күүстээҕин,
Уйгу-быйаҥ дэлэйин.
Чэгиэн турук туйгунун,
Олох дьолун, үөрүүтүн!
Этэҥҥэ буолуоҕуҥ!