Алтынньы ый 11 күнүгэр нэһилиэкпит ылбаҕай ырыаһыттара, «Сандаар» үҥкүү бөлөҕө (сал. Николаева Н.И.), «Бэтиэхэлээх бэртэрэ» (сал. Протопопова С.П.) уонна ыаллыы сытар Бөтүҥ нэһилиэгин «Арчы» СК коллективын үлэһиттэрэ буолан 4 массыынаннан Үөһээ Бүлүү улууһун Тамалакаан уонна Нам нэһилиэктэригэр гастроллаан, бэртээхэй кэнсиэр бэлэх уунан кэллибит.
Олус истиҥ-иһирэх көрөөччулээх нэһилиэктэргэ сылдьан сырыыбыт ситиһиилээх буолла. Биһигини кытта бииргэ сылдьан кэлбит кыттааччыларбытыгар барҕа махтал тылларын этэбит. Дьиэ кэргэҥҥитигэр дьолу-саргыны, чэгиэн буолууну баҕарабыт.
